llinniartut lneqarfiisa Allaffeqarfiat ukiut tamaasa ineqartunik tamanik ataatsimut naapititsisorpoq, naapititsinermi ineqartut malittarisassanik allanillu ilisimatinneqartarput.

lneqarfiit ataatsimoorussanik iggavillit uffarfillit isertarfillillu namminneq eqqiaatit isumagisassavaat.

llinniartut lneqarfiisa Allaffeqarfiata taamatut aaqqissuussinissamut siunnersuutaavoq ineqartoq ataaseq qaammammut 20 kr. imaluunniit 25 kr. akiliuteqartassasoq.

Apeqqutissaqartoqaruni llinniartut lneqarfiisa Allaffeqarfianut saaffiginninnissamut tikilluaqqusaapput.

llinniartut lneqarfiisa Allaffeqarfiata ataatsimut suleqatigiinnerup pitsaasumik ingerlanissaa pingaaartutut isigaa.

lneqarfimmi ineqarninni ineqarfinni malittarisassat malinnissaat pisussaaffigaat, taamaanngippat anisiitaanissat kingunerisinnaammagu. Taamatut pisoqarpat ineqarfinni allani inissannik tunineqarsinnaanngilatit.

lneqarfinnut I.K.I.N. ataatsimut malittarisassaqarpoq, tamakkulu saniatigut immikkut ittunik malittarisassaqarluni (inini torersuunissamut ileqqorissaarnissamullu tunngasut) ineqarfinni tamani atuuttunik.

Tulliini taagorneqartut patsisissaapput erniinnaartumik anisitaanissamut:

• Persuttaaneq ineqartunut allanut sulisunulluunniit persuttaanissamik qunusaarinerit.
• lneqarfinni ikioroornartunik pigisaqarnissaq atuinissarluunniit tamakkuluunniit pillugit pissutissalimmik pasinartoqortillugu (taamaattorli immikkut isigineqarput nakorsamit akuerisaasumik atukkat).
• Ineqartut allat pigisaannik ineqarfiulluunniit pigisaanik tillinneq.
• lneqarfinni aserorterinerit.
• Aallaasinik immikkut akuersissummik peqarani ininniititaqartoqassanngilaq.
• Ineqarfik allamut attartortissimagukku.

Tulliini taagorneqartut patsisissaapput mianersoqqussuteqarnissamut kiisalu iliuuseqaqqinnermi, anisitaanissamut:

• Imigassanik aalakoornartulinnik atuineq, tamanna allanut sulisunullu akornusersuutaappat.
• lmigassaq inerteqqutaavoq ullut tamaasa nal. 0:00 kingorna, ineqarfinni tamani.
• Uumasuuteqarnissaq, soorlu qimminik allanillu miluumasunik.
• lneqarfimmi malittarisassanik soqutiginninnginneq/sumiginnaaneq (eqqiaaneq, najugaqartut ataatsimiinnerini peqataannginneq, pinngitsoorani nalunaarsorneqartumillu peqataasussaanerni il.il.)

Aalajangersakkanit nalinginnaasumik tamanut atuuttunit makku taaneqarsinnaapput:

• Nipiliornertigut/perpalutsitsinertigut nipituumillu nipilersornertigut ineqartut allat akornusersorneqassanngilat ineqarfimmilu inini nipiliortuerutissaaq kingusinnerpaamik nal. 23:00, meerartaqartillugu nal. 21:00
• Pulaartut qanorluunniit ittumik ineqartunut akornusersuissanngillat.
• lneqartoq sivisunerpaamik ulluni 14-ini avataaniit tikeraartoqarsinnaavoq (Tamanna tikeraartoqarnissamut immersugassaq atorlugu qinnuteqaatigineqarsinnaavoq).

Ullut 14-nit sinnissagaanni ullormut akiliutaasartoq akilerneqassaaq. Tikeraartoqassagaanni ineqarfimmi, oqartussaasoq isumaqatigiissuteqarfigineqassaaq.

Malittarisassanik unioqqutitsisoqartillugu iliuusissat immikkut taaneqarsimatinnagit unioqqutitsinerni makku atuupput:

• Oqaasiinnartigut mianersoqqusineq (tamanna suliamut allanneqassaoq)
• Allakkatigut mianersoqqussut.

Aaqqissuussinikkut KAF Naalakkersuisoqarfimmut ilaavoq, taamaattumillu KAF-ip aalajangiinera Naalakkersuisoqarfiup aalajangiineraa. Aalajangiineq manna allaffissornikkut oqartussaaffimmut allamut naammagittaalliutigisinnaanngilat. Suliap suliarineranut atatillugu isumaqaruit kukkusoqarsimasoq, suliap suliareqqinnissaa pillugu qinnuigisinnaavatsigut.

Aalajangiineq naammaginngikkukku suliassap eqqartuussisunut suliassanngortinneqarnissaa piumasaqaatigisinnaavaa.

lneqarfimmi tamani pujortarneq inerteqqutaavoq, aamma illit ininni.

Nerereerninni atortunnik tamatigut erruisarit.

Ineqarfinni ataatsimoorussani nillalaartitsiveqarpoq qerititsiveqarlunilu, eqqaamaneqassaarlu nillataartitsiviit qerititsiviillu pioreersut ataatsimut atugassaammata.

Allakkerivimmi boksi pingasunngornerit aammalu tallimanngornerit tamaasa imaarneqartarpoq. Allakkat saaffiginnittarfimmut ilineqartarput, aaneqarsinnaallutillu allaffiup ammanerata nalaani.

Siunissami ineqarfinni ittunut agguaanneqartalissapput, taakkualu ingerlaqqinneri isumagisarilissallugit.

Inigisat pisariaqartitannik ilinniagaqartut ineqarfiini pisatsersuutaasartunik pisatsersugaavoq. Illit nammineq qipimmik, akitsimik allarutinillu nassataqassaatit.

Iggavimmi nerisassiornissamut atortut pisariallit piupput nammineq nerisassiornissannut atorsinnaasatit.

Inigisanni aserorterinikkut aserukkat paarsinerlunnikkulluunniit aserfallannerit, nalinginnaasumik aserfallannerunngitsut, taarsiisitsinermik kinguneqassapput. lnigisat ilinnuinnaq naatsorsuussaavoq, tamannalu unioqqutinneqarpat anisitaanermik kinguneqarsinnaavoq.

Ineqarnermut akiliut:

Inigisamut akiliut inersimasumut ataatsimut qaammammut 850,00 kr. akeqarpoq, aappariinnullu kr. 1.700 kr.-iulluni.

lnissamut nuunnermut atatillugu qularnaveeqqusiissut akiliutigineqarneq ajorpoq.

Ineqarnermut akiliummut ilaatinneqarput pequtit, imeqarneq, kiassarneq innaallagiarlu.

Qaammammut ineqarnermut akiligassaq siumoortuuvoq kingusinnerpaamillu akilerneqareersimassalluni qaammatip aallartittup ullua pingajuani.

lnigisamut akiliut ullukkaarlugu naatsorneqartarpoq.

lnigisamut akiliut piffissaliussaq qaangiutsinnagu akilerneqanngippat qaammatillu marluk akiligassarineqarpata isumaqatigiissut ingerlaannartumik atorunnaartinneqassooq.

Ilinniartut lneqarfiisa Allaffeqarfiat anisitaasunik inissiinissamut inissianik attartortarneq pillugu peqqussummi § 1. imm. 2 (peqqussummi pisoqqami § 2. imm. 3) malillugu pisussaaffeqanngilaq.

Ilinniartut ilinniagaqarnersiutit pillugit nunatsinni malittarisassanut ilaatinneqartut, Nunatsinni ilinniarfimmiillutilluunniit sulinermik sungiusarfimmiittut ineqartinneqarnermut aningaasartuutinut, ilinniartumut ilinniartut ineqarfianni najukkap akinganut naapertuuttumik matussusiivigineqartarput., ilinniarfimmiinneq qaammatit arfinillit inorlugit sivisussuseqarpat ilinniartullu inoqutigisani ilagiinnarpagit attartornermut isumaqatigiissummik uppernarsaateqarluni.

Illoqarfigisamit aallarnissaq sioqqullugu tamanna Piareersarfimmut ilinniarfissamulluunniit qinnutigineqassaaq.

Ilinniartut ineqarfii uku ataatsimoorussanik errorsisarfeqarput:
- Jern- & Metalkollegiet
- Maskinistkollegiet
- Lærlingekollegiet
- Hotel Nuuk
- Kujallerpaat 13, 15 & 17A/B
- Qattaaq
- Qaamiut
- Julemærkekollegiet
- Ukiivik

Qaqorsaat kingunerutillu nammineq nassassavatit.

lneeqqami panersiinaveersaarit isugutsertitsisarpoq peqqinnanngitsumik.

Tammaasaqaruit nammineq errortat akisussaaffigivatit, paarikkit panerpatalu ingerlaannaq tigukkit.

Errorsiviit atornerini akiliutissaq
- Errorsineq ataaseq akeqarpoq kr. 10,00
- Panersiiviit atorneri akeqanngillat

Matuersaat Salto atorlugu errorsisoqarsinnaavoq, errorsissutissaq Salto immertinneqarsinnaavoq KAF-imut saaffiginninnermi.
Errorsissutissamut immiussinermi kortit akiliissutit uku atorneqarsinnaapput: Akiliut, Dankort, Visakort Mastercard-ilu.

Malugeqqussavarput errorsissut (Salto) imarisai utertinneqarsinnaanngimmata!

lneqarfimmi ineqartut namminneq eqqiaaneq isumagisassaraat, namminneq inigisaminni, ininilu ataatsimoorussani soorlu isersimaartarfik, iggavik uffarfillu. Eqqiaanissamut pilersaarusiaq ineqartunit malinneqassaaq. Eqqiaanermut pilersaarusiaq malinneqanngippat ineqarfimmi ineqarnermik isumaqatigiissut atorunnaarsinneqarsinnaavoq.

Pingaaruteqarpoq eqqakkat ingerlaannartumik iginneqartarnissaat. Eqqakkat gangini iggavinnilu uninngatinnaveersaakkit

Qinnuigissavatsigit malugeqqullugu llinniartut lneqarfiisa Allaffeqarfiata sillimmasiinera illit pigisannik ikuallattoqarneratigut tillinniartoqarneratigulluunniit annaasaqarninnut atunngilaq. llinnut iluaqutaassaaq nammineq sillimmaseruit. Nammineq misissorsinnaavat angajoqqaavit sillimmasiineranni ilinniarninni aamma ilanngunneqarsimanersutit, imaluunniit nammineq sillimmaserit.

Sipaarniarneq ajornanngitsunnguuvoq, pinngaartumik ineqartut imeq, kallerup innera kiassarnerlu sipaarnerinut ikiuuppata. Qulliit kallerullu inneranut atasut atunngikkaangata qamittakkit, silaannarissaatillutillu kiassaatit qamittakkit.

Inissannut nuunninni pingaarpoq ajornartorsiulernermi qimaaffissat misissornissaat sumiissusiisalu ilisimalernissaat, taamaalioruit ikuallattoqalerpat ajornartorsiunnginnerussaatit.

KAF-imiit nalunnginneqarpoq kollegiani uumasuaqqat soorlu

brune pelsklanner, sølvfisk, skægkræ assigisaalu najugaqarfinni ajornartorsiutaasut.

Pinaveersaartinniarlugit seqqartaasarneq pisaraluarpoq, kisianni najugaqartut peqatigalugit aatsaat pinaveersaartitsineq iluaqutaasinnaavoq.

Iliuuserisassat uku KAF-imiit innersuutigineqarput:

• Sapaatip akunneranut arlaleriarlugu støvsugertarneq
• Qaammammut arlalerialuni assersuutigalugu sofat, reolit, pisattat anginerusut nikisikkuminaatsut tunui støvsugertarnissai pujoralaajarlugillu
• Qammammut ataasiarluni marloriarluniluunniit imeq klorin-ililaarlugu listit, sofat, reolit tunui assigisaalu salittarnissai (imeq qaqorsaatilernagu, taamaallaat imeq klorin-ililaarlugu, uumasuaqqanut toqoraataasinnaammat)
• Illup iluani eqqiluisaarnissaq