Aallartussanngornermi inimillu attartorunnaarneq
lneqarfimmi inigisat tamatigut atuarnerup naammasseriitsiarnerani imaluunniit ilinniarnerup kipitinnerani qimanneqartassaaq.
Attartorneq atorunnaarsissinnaavat sivikinnerpaamik qaammat ataaseq sioqqullugu qaammatip naanissaanut Ilinniartut Ineqarfiisa Allaffeqarfianut allakkatigut ilimasaarereernernikkut, attartorneq pillugu isumaqatigiissummi sivikinnerusumik piffissaliussilluni ilimasaarisoqarnissaanik allassimasoqanngippat.
Immikkut akiligassinneqarnissaq pinngittoorniarukku, eqqaamaqquneqarpoq inissiaq qimannerani nateq tamarmi, nillataartitsivik qerititsivillu, kissarsuut taavalu aalap milluaasua (emhætte) asalluarneqarsimanissaat aammalu nerriviit, qulliit ilisiviillu silataagut iluatigullu pujoralaajarsimassammata peqqissaarullugit.
Malugiuk! Ini qimannerani nammineq pigisanik qimataqaqqusaannginnavit, nammineq pigisanik qimataqarsimaguit Ilinniartut Ineqarfiisa Allaffeqarfiat ilinnut akiligassanngorlugu qimatat ikuallaavimmut tunniukkiartorsinnaavaat.
Kollegianiit anileruit immersugassaq immersoruk akiligassaq uninniassammat:
Anilernermut immersugassaq uani immersoruk
Kollegiani aninermi ini nammineq qalipassagaanni qalipaatit aaku atugassat allattorsimaffii:
Iikkat:
Qalipaat: Sigmatex Råhvid
Qillissuseq: Glans 7-10
Qilaat:
Qalipaat: Sigmawal Råhvid
Qillissuseq: Glans 1-5
Init masattuleriviit (perusuersartarfik/uffarfik):
Qalipaatissaq ininut masattulerivinnut naatsorsuussaq atorneqassaaq. Qalipaatissanut pisiniarfimmi aperisinnaavutit
Qalipaataa:
Sigmatex råhvid
Qillissuseq Glans 20
Eqqaamallugu: Plastikkimik assiaqutit, tape aamma snickerspartel tube