Ilinniartut Ineqarfiisa Allaffeqarfiat Kollegieadministrationens Fælleskontor
  1. Home
  2. Kollegiani inuuneq

Kollegiani inuuneq

Nuummi inissannut tikilluarit

Piffissami sivikinnerusumi sivisunerusumiluunniit maniissaguit ilinniagaqartut ineqarfiat maani Nuummi ilinniagaqartutut najugaqarninni annertuumik inuuninnut ilaassaaq.

Siullermeerlutit najukkat qimassimasussaagukku ulluinnarni isumagisassat assigiinngitsorpassuit nammineerlutit isumagisassarilissavatit siornagullu pisaatsinnut naleqqiullugu annertunerusumik imminut akisussaaffigisussaassaatit.

lneqarfimmi inuppassuit inooqataaffigissavatit. Tamanna ammasuunissamik, allanut soqutigittartuunissamik akaarinninnermillu piumasaqarpoq, tamannali aamma ilinnut annertuumik tunniussaqassaaq.

lneqarfimmi sulisut ineqartullu allat peqatigalugit ineqarfik ilinniagaqartutut ineqarfittuinnaq pinnagu aammali atornera allatigut suleqatigiillusi immersorsinnaavarsi.

Neriuutigaarput suliassaq tigulluarumaarissi ineqarfimmilu avatangiiserissaarnissaq peqataaffigiumaarissi.

Ajunngitsumik ilinniartut ineqarfianniinnissat kissaatigalugu.

 

lneqarfimmiinneq

lneqarfiit ataatsimoorussanik iggavillit uffarfillit isertarfillillu namminneq eqqiaatit isumagisassavaat.

llinniartut lneqarfiisa Allaffeqarfiata taamatut aaqqissuussinissamut siunnersuutaavoq ineqarttoq ataaseq qaammammut 20,- koruuninik imaluunniit 25,­ koruuninik akiliuteqartassasoq.

Apeqqutissaqartoqaruni llinniartut lneqarfiisa Allaffeqarfianut saaffiginninnissamut tikilluaqqusaapput.

llinniartut lneqarfiisa Allaffeqarfiata ataatsimut suleqatigiinnerup pitsaasumik ingerlanissaa pingaaartutut isigaa.

 

QUJANAQ suleqatigiumagatsigut.

 

Ineqartunut nutaanut tikilluaqqusineq

llinniartut lneqarfiisa Allaffeqarfiat ukiut tamaasa ineqartunik tamanik ataatsimut naapititsisorpoq, naapititsinermi ineqartut malittarisassanik allanillu ilisimatinneqartarput.

 

Pujortarneq

lneqarfimmi tamarmi pujortarneq inerteqqulaavoq, aamma illit ininni.

 

Erruisarneq

Nerereerninni atortunnik tamatigut erruisarit.

 

Eqqiaaneq

lneqartut eqqiaanermut tunngasumik pilersaarusiaq suliarissavaat malittassallugulu.

Eqqaamallugu ineqartut tamarmik ataatsimoorussamik eqqiaanermi peqataasassammala.

 

Qerititsiviit nillataartitsiviillu

Ineqarfinni ataatsimoorussani nillalaartitsiveqarpoq qerititsiveqarlunilu, eqqaamaneqassaarlu nillataartitsiviit qerilitsiviillu pioreersut ataatsimut atugassaammata.

 

 

Malittarisassat

lneqarfimmi ineqarninni ineqarfinni malittarisassat malinnissaat pisusisaaffigaat, taamaanngippat anisiitaanissat kingunerisinnaammagu. Taamatut pisoqarpat ineqarfinni allani inissannik tunineqarsinnaanngilatit.

lneqarfinnut I.K.I.N. ataatsimut malittarisassaqarpoq, tamakkulu saniatigut immikkut ittunik malittarisassaqarluni (inini torersuunissamut ileqqorissaarnissamullu tunngasut) ineqarfinni tamani atuuttunik.

 

Tulliini taagorneqartut patsisissaapput erniinnaartumik anisitaanissamut:

 

  • Persuttaaneq ineqartunut allanut sulisunulluunniit persuttaanissamik qunusaarinerit.
  • lneqarfinni ikioroornartunik pigisaqarnissaq atuinissarluunniit tamakkuluunniit pillugit pissutissalimmik pasinartoqortillugu (taamaattorli immikkut isigineqarput nakorsamit akuerisaasumik atukkat).
  • Ineqartut allat pigisaannik ineqarfiulluunniit pigisaanik tillinneq.
  • lneqarfinni aserorterinerit.
  • Aallaasinik immikkut akuersissummik peqarani ininniititarqartoqassanngilaq.
  • Ineqarfik allamut attartortissimagukku.

 

Tulliini taagorneqartut patsisissaapput mianersoqqussuteqarnissamut kiisalu iliuuseqaqqinnermi, anisitaanissamut:

 

  • Imigassanik aalakoornartulinnik atuineq, tamanna allanut sulisunullu akornusersuutaappat.
  • lmigassaq inerteqqutaavoq ullut tamaasa nal. 0:00 kingorna, ineqarfinni tamani.
  • Uumasuuteqarnissaq, soorlu qimminik allanillu miluumasunik.
  • lneqirfimmi malittarisassanik soqutiginninnginneq/sumiginnaaneq (eqqiaaneq, najugaqartut ataatsimiinnerini peqataannginneq, pinngitsoorani nalunaarsorneqartumillu peqataasussaanerni il.il.)

 

Aalajangersakkanit nalinginnaasumik tamanut atuuttunit makku taaneqarsinnaapput:

 

  • Nipiliornertigut/perpalutsitsinertigut nipituumillu nipilersornertigut ineqartut allat akornusersorneqassanngilat ineqarfimmilu inini nipiliortuerutissaaq kingusinnerpaamik nal. 23:00, meerartaqartillugu nal. 21:00
  • Pulaartut qanorluunniit ittumik ineqartunut akornusersuissanngillat.
  • lneqartoq sivisunerpaamik ulluni 14-ini avataaniit tikeraartoqarsinnaavoq (Tamanna tikeraartoqarnissamut immesugassaq atorlugu qinnuteqaatigineqarsinnaavoq).

 

Ullut 14-nit sinnissagaanni ullormut akiliutaasartoq akilerneqassaaq. Tikeraartoqassagaanni ineqarfimmi, oqortussaasoq isumaqatigiissuteqarfigineqassaaq.

 

Malittarisassanik unioqqutitsisoqartillugu iliuusissat immikkut taaneqarsimatinnagit unioqqutitsinerni makku atuupput:

 

  • Oqaasiinnartigut mianersoqqusineq (tamanna suliamut allanneqassaoq)
  • Allakkatigut mianersoqqussut.

 

Aaqqissuussinikkut KAF Naalakkersuisoqarfimmut ilaavoq, taamaattumillu KAF-ip aalajangiinera Naalakkersuisoqarfiup aalajangiineraa. Aalajangiineq manna allaffissornikkut oqartussaaffimmut allamut naammagittaalliutigisinnaanngilat. Suliap suliarineranut atatillugu isumaqaruit kukkusoqarsimasoq, suliap suliareqqinnissaa pillugu qinnuigisinnaavatsigut.

Aalajangiineq naammaginngikkukku suliassap eqqartuussisunut suliassanngortinneqarnissaa piumasaqaatigisinnaavaa.

 

Allakkat

Allakkerivimmi boksi pingasunngornerit aammalu tallimanngornerit tamaasa imaarneqartarpoq. Allakkat saaffiginnittarfimmut ilineqartarput, aaneqarsinnaallutillu allaffiup ammanerata nalaani.

Siunissami ineqarfinni ittunut agguaanneqartalissapput, taakkualu ingerlaqqinneri isumagisarilissallugit.

 

Inissiat ataatsimoorussani ineeraq

Inigisat pisariaqartitannik ilinniagaqartut ineqarfiini pisatsersuutaasartunik pisatsersugaavoq. Illit nammineq

qipimmik, akitsimik allarutinillu nassataqassaatit.

Iggavimmi nerisassiornissamut atortut pisariallit piupput nammineq nerisassiornissannut atorsinnaasatit.

Inigisanni aserorterinikkut aserukkat paarsinerlunnikkulluunniit aserfallannerit, nalinginnaasumik aserfallannerunngitsut, taarsiisitsinermik kinguneqassapput. lnigisat ilinnuinnaq naatsorsuussaavoq, tamannalu unioqqutinneqarpat anisitaanermik kinguneqarsinnaovoq.

 

Akiliutit qularnaveeqqusiissullu

Ineqarnermut akilliut:

Inigisamut akiliut inersimasumut ataatsimut qaammammut 850,00 koruuniuvoq, aappariinnullu kr. 1.700,-iulluni

lnissamut nuunnermut atatillugu qularnaveeqqusiissut akiliutigineqarneq ajorpoq.

Ineqarnermut akiliummut ilaatinneqarput pequtit, imeqarneq, kiassarneq innaallagiarlu.

  

lnigisamut akiligassap akilertarnissaa:

Qaammammut ineqarnermut akiligassaq siumoortuuvoq kingusinnerpaamillu akilerneqareersimassalluni qaammatip aallartittup ullua pingajuani.

lnigisamut akiliut ullukkaarlugu naatsorneqartarpoq.

lnigisamut akiliut piffissaliussaq qaangiutsinnagu akilerneqanngippat qaammatillu marluk akiligassarineqarpata isumaqatigiissut ingerlaannartumik atorunnaartinneqassooq.

linniartut lneqarfiisa Allaffeqarfiat anisitaasunik inissiinissamut inissianik attartortarneq pillugu peqqussummi § 1. imm. 2 (peqqussummi pisoqqami § 2. imm. 3) malillugu pisussaaffeqanngilaq.

 

Errorsisarfiit

Kollegiani arlalinni errorsisarfeqarpoq atorsinnaasarnik. Ilitsersuuteqarpoq, nalorniguit ineqartut allat imaluunniit sulisut aperikkit.

Errorsinermi akiliutitut atorneqartartoq brik immertinneqarsinnaavoq Ilinniartut Ineqarfiisa Allaffeqarfiat ammanerata nalaani. Immiititsinermi aningaasanik akiliisoqarsinnaanngilaq taamaallaat kort-inik (Akiliut, Dankort, Visa aammalu Mastercard).

Brik errorsinermi akiliut immertinnialerukku isumatusaarit, errorsissutip imarisaa utertinneqarneq ajormat.

Qaqorsaat kingunerutillu nammineq nassassavat.

lneeqqami panersiinaveersaarit isugutsertitsisarpoq peqqinnanngitsumik.

Tammaasaqaruit nammineq errortat akisussaaffigivit, paarikkit panerpatalu ingerlaannaq tigukkit.

 

Inimut allamut nuunniuteqarneq/Inimik paarlaaqatigiinneq

Ilinniartut ineqarfinniinnissaq sivikinnerpaamik qaammatini qulini sivisussuseqarpat aammalu ini tunniunneqarsimasoq qaammatini pingasuni inigereersimagaanni, periarfissaavoq inimut allamut nuunniuteqarluni imaluunniit ineqartoq alla isumatigiissuteqarfigineratigut inimik paarlaaqatigiinnissamik qinnuteqarnissaq.

Inimut allamut nuunniuteqarnermi imaluunniit paarlaaqatigiinnissamut qinnuteqarniaraanni, Ilinniartut Ineqarfiisa Allaffeqarfianut akiligassanik kinguaattooruteqarsimannginnissaq piumasaqaataavoq.

 

Eqqiaaneq

lneqarfimmi ineqartut namminneq eqqiaaneq isumagisassaraat, namminneq inigisaminni. ininilu ataatsimoorussani soorlu isersimaartarfik, iggavik uffarfillu. Eqqiaanissamut pilersaarusiaq ineqartunit malinneqassaaq. Eqqaiaanermut pilersaarusiaq malinneqanngippat ineqarfimmi ineqarnermik isumaqatigiissut atorunnaarsinneqarsinnaavoq.

 

Sillimmasiineq

Qinnuigissavatsigit malugeqqullugu llinniartut lneqarfiisa Allaffeqarfiata sillimmasiinera illit pigisannik ikuallattoqarneratigut tilliinniartoqarneratigulluunniit annaasaqarninnut atunngilaq. llinnut iluaqutaassaaq nammineq sillimmaseruit, aamma nammineq misissorsinnaavat angajoqqaavit sillimmasiineranni ilinniarninni aamma ilanngunneqarsimanersutit, imaluunniit nammineq sillimmaserit.

 

lmeq, kallerup innera kiassarnerlu sipaaruk!

Sipaarniarneq ajornanngitsunnguuvoq, pinngaartumik ineqartut imeq, kallerup innera kiassarnerlu sipaarnerinut ikiuuppata. Qulliit kallerullu inneranut atasut atunngikkaangata qamittakkit, silaannarissaatillutillu kiassaatit qamittakkit.

 

Eqqakkat

Pingaaruteqarpoq eqqakkat ingerlaannartumik iginneqartarnissaat. Eqqakkat gangini iggavinnilu uninngatinnaveersaakkit, tippattarput!

 

Ikuallattoqarnerani

Inissannut nuunninni pingaarpoq ajornortorsiulernermi qimaaffissat misissornissaat sumiissusiisalu ilisimalernissaat, taamaalioruit ikuallattoqalerpat ajornartorsiunnginnerussaatit.