Ilinniartut Ineqarfiisa Allaffeqarfiat Kollegieadministrationens Fælleskontor
  1. Home
  2. Qinnuteqarnermi ingerlariaaseq

Qinnuteqarnermi ingerlariaaseq

Ilinniartut ineqarfiinut inissarsiornissaq eqqaamajuk

Ilinniakkamut atatilllugu nuummiissaguit, illit nammineq Ilinniartut Ineqarfiisa Allaffeqarfianut inissarsiorlutit qinnuteqassagavit www.kaf.gl atorlugu.

Inissarsiorluni qinnuteqarnermi Ilinniartut Ineqarfiisa Allaffeqarfiata immersortagassaa atorneqassaaq, immersuiffissat pingaarutillit tamarmik immersorlugit. Immersugassami e-mail aammalu oqarasuaat namminerisamik pigineqartut allanneqassapput, attaveqatigiinneq taakku atorlugit ingerlasarmata.

Inissarsiornermi qinnuteqaammut, uppernarsaatit uku ilanngunneqassapput:

Ilinnialernissamut tigutissimanermut/tigutikkallarsimanermut uppernarsaat sivisunerusumik ilinniagaqarniaruit, atuagarsoriarnissamut aggersaassut atuagarsoriarniaruit imaluunniit lærlingekontrakt/suliffimmi misiliinissamut isumaqatigiissut Nuummi praktik-erniaruit.

Erseqqissaatigineqarpoq ilinniarfimmiinneq qaammatit qulit ataallugit sivisussuseqarpat taamaallaat pissutsini immikkut illuinnartuni ilaquttat ilagineqarsinnaapput inissaqartitsinikkut periarfissaqartillugu.

 

Inissiisarnermi ataatsimiititaliaq (Visitationsudvalg)

Qinnuteqaatit tamarmik inissiisarnermit ataatsimiititaliamit suliarineqartarput, inissiissarnermit ataatsimiititaliaq allaffimmiumik aammalu aqutsisumik inuttalersugaavoq.

Iniissiisarermi ataatsimiititaliaq qulakkeertussaavaa, qinnuteqartut tamarmik ilinniartut ineqarfii pillugit nalunaarut atuuttoq tunngavigalugu inissiisarnissaq.

Iniissiisarnermi ataatsimiititaliap inissarsiorlutik qinnuteqaatit saniatigut suliarisarpaat, attartornermut isumaqatigiissutit sivittornissaanut qinnuteqaatit (statusændring), inimut allamut nuunniuteqarlutik qinnuteqartut aammalu ineqartut inoqutigiivi allannguuteqartut.

 

Nuummut tikikkuit

lneqarfissamut innersuunneqarnermut atatillugu llinniartut lneqarfiisa Allaffeqarfiannit allakkanik tigusaqassaatit, tassani nalunaarsimassalluni Nuummiinninni ineqarfik sorleq najugaqarfigissagit, taamaattumik allaffeqarfik nalunaarfigissavat ulloq suna nalunaaqqutarlu qassinut Nuummut tikissallutit.

lnissannik matuersaammillu tunineqarnissannut tunngatillugu tikereeruit erniinnaq llinniartut lneqarfiisa Allaffeqarfiannut saaffiginnissaatit. Ilinniartut tikittut aaneqarneq ajorput. Suliffiup avataani tikissaguit Ilinniartut Ineqarfiisa Allaffeqarfiata pigaartua/vagt oqarasuaammut uunga attavigeqquneqarpoq

+299 55 77 90.

 

Malugiuk

llinniagaqartut Ineqarfiisa Allaffeqarfiat meeqqeriveqanngimmat taamaattumik nammineq kommunit aqqutigalugu Kommuneqarfik Sermersuumut meeqqavit inissamik qinnuteqarfiginissaa isumagissagakku.