Inissarsiornermi qinnuteqaat immersugassaq ugguuna immersorneqarsinnaavoq: Inissarsiornermi qinnuteqaat immersugassaq
Inissarsiornermi qinnuteqaammut, uppernarsaatit allagartat uku ilanngunneqassapput:
1) Ilinnialernissamut imaluunniit suliffimmi misiliinissamut uppernarsaatit
- Ilinnialernissamut tigutissimanermut uppernarsaat, Nuummi sivisunerusumik ilinniagaqassaguit
- Atuagarsoriarnissamut aggersaassut, Nuummi atuagarsornissaq ingerlanneqassaguni
- Suliffimmi misiliinissamut isumaqatigiissut, Nuummi suliffimmi misiliinermut isumaqatigiissuteqarsimaguit
2) Sumi najugaqartarsimanermut uppernarsaat (historisk bopælsattest)
- Qinnuteqartup aammalu inooqataasup Nuummut ingerlaqataasussap sumi najugaqartarsimaneranut uppernarsaataat.
Malugiuk: KAF-ip sumi najugaqarnermut uppernarsaat nalinginnaasoq (bopælsattest) qinnuteqaatit suliarinerinut uppernarsaatitut atorneq ajormagit.
Sumi najugaqartarsimanermut uppernarsaat kommune-mi Inuit Allattorsimaffiat saaffigineratigut piniarneqarsinnaavoq, imaluunniit NemID atorlugu uani aaneqarsinnaavoq: Den Centrale Personregister
Ilaquttat Nuummut ingerlaqataasussat pillugit paasissutissat: Erseqqissaatigineqarpoq ilinniarfimmiinneq qaammatit qulit ataallugit sivisussuseqarpat taamaallaat pissutsini immikkut illuinnartuni ilaquttat ilagineqarsinnaapput inissaqartitsinikkut periarfissaqartillugu.
Qinnuteqarnissamut killigititaq: Ilinniakkap aallartinnissaa sapaatit akunneri sisamat sioqqullugu.