Qinnuteqaatit KAF-imut apuunnerini uku misissorneqartarput:
- Qinnuteqarpoq KAF-imut akiitsoqarnersoq
- Uppernarsaatit tamarmik ilanngunneqarsimanersut
- Inooqataasup atorfik aqqutigalugu ineqartitaasinnaannginneranut sulititsisumiit uppernarsaat ilanngunneqarsimanersoq
Uppernarsaatit tamakkerlugit nassiunneqarsimanngikkaangata taavalu KAF-imut akiitsoqarsimagaanni qinnuteqaat tamakkiisumik peerneqartarpoq. Aatsaallu tamakkiisumik piumasaqaatit nassiunneqaraangamik ataatsimiititaliamut ingerlateqqinneqartarput.
Qinnuteqaatit tamarmik inissiisarnermit ataatsimiititaliamit suliarineqartarput, inissiisarnermit ataatsimiititaliaq aqutsisumik, allaffimmiumik aammalu kollegieinspektørimik inuttalersugaavoq.
Inissiisarnermi ataatsimiititaliap qulakkeertussaavaa, qinnuteqartut tamarmik ilinniartut ineqarfii pillugit inatsit atuuttoq tunngavigalugu inissiisarnissaq.
Iniissiisarnermi ataatsimiititaliap inissarsiorlutik qinnuteqaatit saniatigut suliarisarpaat, attartornermut isumaqatigiissutit sivittornissaanut qinnuteqaatit (statusændring) aammalu ineqartut inoqutigiivi allannguuteqartut.
Qinnuteqartoq nassiussinermini autosvar-imik utertiffigineqartarpoq, taannalu isumaqarpoq KAF-ip qinnuteqaat tiguneqartoq.
KAF-ip qinnuteqaatit tiguneraniit sapinngisamik ullut 14-it iluanni suliarineqartarpoq, suliarlu naammassigaangat e-mail-ikkut qinnuteqartoq akineqartarpoq.
Tusagaqarsimanngikkuit ullut 14-it qaangiunnerini KAF-ip allaffeqarfianut paasiniaasinnaavutit.
Malugiuk
llinniartut Ineqarfiisa Allaffeqarfiat meeqqeriveqanngimmat taamaattumik nammineq kommunit aqqutigalugu Kommuneqarfik Sermersuumut meeqqavit inissamik qinnuteqarfiginissaa isumagissagakku.